طريقة عمل طبخ البقلة باللحمة (البوراني)

طريقة عمل طبخ البقلة باللحمة (البوراني) للي مابيعرف من اسمائها الرجلة.

المقادير :

1- كيلو بقلة.

2 - نص كيلو لحمة مفرومة خشنة. 

3- كزبرة.

4- بصل ثوم.

5- فليفلة حمراء وخضراء حارة وعادية حسب الرغبة.

الطريقة :

 ا- نقوم بتنظيفها من الاوراق الصفراء.

2- نقوم بتقطيعها بحدود 2 سم.

3- نقوم بغسلها عدة مرات حتى تتخلص من الاتربة ونضعها فوق المصفاة.

4- نفرم البصل مربعات والثوم ونضعه في قدر مع السمنة نتركه حتى يصفر قليلا او يطرى شوي.

5- نضيف اللحمة المفرومة نملحها وقليل من البهار والفلفل الاسود (مسألة زووء) ثم نضيف لها مفروم الفليفلة الحمراء والخضراء،وللي بحب تكون حراقة يحط فليفلة بتحرق.

6-نضيف البقلة فوق اللحمة ونحركها حتى تتجانس ونغطي القدر حتى تنضج (ما بتحتاج وقت كتير لانها طرية وكلها ماء).

7-نقشر كم سن من الثوم وندقهم ونضيفهم فوق البوراني.

8-نقطع الكزبرة ونغسلها جيدا ونضيفها فوق البقلة ننطر عدة دقائق ونطفي النار.

تقدم مع الرز المطبوخ مع الشعيرية وجنبها سلطة خضراء ، لبن رائب ،لبن بخيار ، بصل أخضر فجل الخ من المقبلات.

وصحتين وعافية

ملاحظة : نفس الطريقة تُطبق على السبانخ والسلق.